Zbulon sekretin e bukurisë, Ami lançon linjën e saj të kujdesit për fytyrën dhe flokët!

Pas suksesit të padiskutueshëm disavjeçar të “Ami Event”, një nga kompanitë më të rëndësishme të eventeve në vend, Amarda Toska vjen me një projekt të ri në fushën e bukurisë.

Mbrëmjen e djeshme ajo organizoi një festë speciale, ku lançoi linjën e saj me produktet e kujdesit ndaj fytyrës dhe flokëve, të cilat mbajnë emrin dhe logon e “Ami’s Beauty”.

Të pranishëm në këtë event madhështor ishin miq, të afërm dhe bashkëpunëtorë të saj, por edhe figura të njohura të showbizit shqiptar.

Produktet janë prodhuar të gjitha në Itali, dhe Ami është shumë e lumtur që ka finalizuar një nga projektet e saj më ambiciozë dhe për të cilat siç ajo u shpreh ka punuar shumë.

Vetë Ami shkëlqente edhe dukej tepër elegante, teksa kishte zgjedhur një fustan të gjatë ngjyrë rozë, me gurë në pjesën e dekoltesë, i cili përshtatej me ambientin e dekoruar në po të njëjtën ngjyrë.

Referenca: “Revista Bordo.al”, Kliko per artikullin origjinal